訂帛事花圈資訊推介

花圈, 是用綠葉和鮮花紮成的環形或圓形的祭奠物品.花圈上會有寫上”奠”字和挽聯的白布. 是喪禮中用作獻祭給死者表示懷念和追悼的其中一個習俗.

訂花圈一般於守夜的前一日或守夜當天早少少, 去到殯儀館附近的花店幫襯. 通常有好多款式揀的, 平貴大細都有. 在殯儀館附近光顧的好處是: 免費送貨, 因為係附近之嘛; 另外佢地會好清楚殯儀館的程序和時間表, 能夠確保送達的時間. 去到花店, 你同店方講先人的姓名同埋與你的關係, 要咩size和價錢的花圈, 佢地就會知點搞, 同埋按時送貨架啦.

傳統送花圈呢, 先人子孫結婚成家後會以一個家庭做一個, 而未成家的子孫就會幾個兄弟姊妹夾份做一個, 不過個人特別做一個花圈都得. 仲有, 除非長輩人數很少啦, 否則後輩的花圈不太適宜比長輩們的大和貴.